Білікті маман, іскер басшы
Білікті маман, іскер басшы
Қазіргі замандағы білім берудің негізгі мақсаты: еңбек нарығында бәсекеге қабілетті, құзыретті, өз жұмысын жақсы білетін, жан-жағына бағыт-бағдармен қарайтын кәсіби білікті маман. “Тәуелсіз ел тірегі – білімді ұрпақ ” – десек , сол білімді ұрпаққа сапалы білім, саналы тәрбие берумен қатар кәсіби біліктіліктерін қалыптастырып, шеберліктерін шыңдайтын білім ордасы- ҚР «Халық қаһарманы» Р.Қошқарбаев атындағы Балқаш техникалық колледжі. Мұндағы басым бағыттың бірі - еңбек нарығына қажетті маман даярлау болып табылса, кәсіптік білім беру саласында жас мамандардың білімдері мен кәсіби біліктіліктерін дамуына үлес қоса отырып, колледж жұмыстарының мәртебесін көтеріп, алға басуына үлкен еңбек етіп келе жатқан шебер басшы, колледж директорының оқу-өндірістік жұмысы жөніндегі орынбасары Сәбит Қайырбекұлы Байсеркин.
Сәбит Қайырбекұлы өз қызметі барысында әділ, талапшыл басшы бола отырып, кәсіптік білімнің дамуына игілікті істер атқарып, қазіргі заман талабына сай маман даярлауда кәсіби модульді оқыту, әлеуметтік серіктестікті дамыту, кәсіптік-тәжірибені ұйымдастыруда және сол мамандарға жаңа технологияларды меңгертіп, жан – жақты болуларына үлес қоса отырып, жастарды жұмысқа орналастыру мәселесінің оң шешімін табуға ықпал жасайды. Кәсіптік білім мәртебесін көтеріп, берілген мамандықар бойынша студенттердің білімдері мен кәсіби біліктіліктерін бейімдеу мақсатында колледжде әр-түрлі іс шараларды , кәсіби байқауларды ұйымдастырып отырады.
Сонымен қатар Сәбит Қайырбекұлы жыл сайын өткізілетін облыстық, республикалық «Worldskills Kazakhstan» чемпионаттарына студенттердің қатысуына мүмкіндіктер жасайды. Колледж студенттері бірнеше рет осындай байқаулардан жүлделі орындарға ие болды. Елеулі еңбек қашанда ескерусіз қалмайды. Бойыңдағы еңбекке адал, мақсатқа берік қасиеттері арқасында білім саласындағы жемісті еңбегі үшін білікті басшы ҚР Білім беру саласынан, облыс және қала әкімінің Құрмет грамоталарымен, алғыс хаттарымен бірнеше мәрте марапатталды. Биылғы Тәуелсіздігіміздің 30 жылдық мерейтойы қарсаңында мемлекет басшысы Қасым-Жомарт Тоқаевтың «Тәуелсіздік бәрінен қымбат» атты бағдарламалық мақаласының жеңімпазы атанып, қоғамға қосқан айрықша еңбегі үшін «Қазақстан Республикасының Құрметті азаматы» атты төсбелгісімен және 1 - ші дәрежелі дипломмен марапатталды. Бұл ол кісінің бойындағы білімін, күш-жігерін сарқып жұмсауының нәтижесінің көрінісі деп білеміз. Осындай жігерлі, іскер, білікті басшы колледж ұжымының мақтанышы. Колледж директорының оқу-өндірістік жұмысы жөніндегі орынбасары Сәбит Қайырбекұлы Байсеркинді осы жоғары марапатымен құттықтай отырып, ақ ниетпен мықты денсаулық, қажымас күш-қайрат, ортаймас несібе-дәулет тілейміз. Еңбекте толағай табыстарға, мақсатта биік шыңдарға жете беріңіз, абырой-беделіңіз бен табыс-тартуларыңыз арта берсін. Әрдайым отбасыңыз аман, жүзіңіз жарқын, мерейіңіз үстем болсын!
Өндірістік оқыту шеберлері:
Баймуханова А.С, Сакенова Ж.Д
