«WORLDSKILLS KARAGANDA-2022»

03.05.-15.05.2022ж Қарағанды қаласында техникалық және кәсіптік, орта білімнен кейінгі білім беру ұйымдарының студенттері арасындағы «WORLDSKILLS KARAGANDA-2022» аймақтық чемпионаты өтті.
Чемпионатқа «ҚР Халық қаһарманы» Р.Қошқарбаев атындағы Балқаш техникалық колледжінің студенттері мен өндірістік оқыту шеберлері және колледждің өндірістік оқыту жөніндегі директордың орынбасары Байсеркин Сабит Қайырбекұлы қатысты.Колледж студенттері «Дәнекерлеу технологиялары», «Слесарлық іс», «Кірпішпен қалау» «Плиткамен қаптау», «Сантехника және жылыту», «Жиһаз өндіру», «Жеңіл автомобильдерді жөндеу және қызмет көрсету» құзыреттері бойынша бақ сынасты. Облыс көлемінде өткен бұл чемпионатта студенттеріміз әр модуль бойынша берілген жұмыстарды орындау технологиясы мен сапасы жағынан жақсы көрсеткіштерге қол жеткізіп, алдыңғы қатардан көрінді.
«Плиткамен қаптау» Бақдәулет Мәди 2-ші орын, «Кірпішпен қалау» Толбатов Максим 3-ші орын, «Дәнекерлеу технологиялары» Сакен Әли 3-ші орын, «Сантехника және жылыту» Бабей Юрий 3-ші орын, «Жиһаз өндіру» Турткулбай Медет 3-ші орын иеленіп дипломдармен марапатталды. «Жеңіл автомобильдерді жөндеу және қызмет көрсету» құзыреті бойынша Покрышка Владимир берілген модульді орындауда ең үздік көрсеткішке ие болып, дипломмен марапатталды. «Слесарлық іс» құзыретіне қатысқан Гуменный Анатолий жақсы жетістіктер мен өз шеберлігін көрсетіп 4-ші орын иеленді. Барлық қатысушы студенттерге сертификаттар тапсырылды. Сонымен қатар «WORLDSKILLS KARAGANDA-2022» аймақтық чемпионатына студенттерді дайындаған өндірістік оқыту шеберлері: Тельменбетов Акылсерік, Сакенова Жанат, Аманбекова Жанар, Баймуханова Айжан, Салгиева Маржан, Смагулова Сауле, Ыбрайкен Нұржан алғыс хаттар мен марапатталды.