Дебаты

30 наурыз 2021 жылы ҚР «Халық қаһарманы» Р.Қошқарбаев атындағы Балқаш техникалық колледжінде «Мемлекеттік тілді – дамытамыз, орыс тілді – қолдаймыз, ағылшын тілді - үйренеміз» атты колледждің 1-2 курс студенттер арасында дебат өткізілді. Бұл дебат қазақ тілі мен әдебиеті пәні оқытушысы Г.К. Жетписбекованың ұйымдастыруымен болды. Мақсаты: студенттердің ұлтжандылық қасиеттерге, тарихи құндылықтарға деген ойларын қозғау. Заман талабының сұранысына ие адами құндылықтарды жанына серік етіп, қоғамдық өмірге белсене араласатын жастарды қалыптастыру. Сөз шеберлігін, өз пікірін анық айтып, дәлелдеме келтіру қабілеттерін дамыту. Бұл дебатқа 4 команда қатысты. «Сұңқар» командасының мүшелері ТОРА-20-1 тобының студенттері Тұяқ Дархан, Нұрлан Бексұлтан. «Болашақ» командасының мүшелері К-19-1 тобының студенті Кемербаева Толқын, Э-20-1 тобының студенті Орынтаева Мөлдір. «Қыран» командасының мүшелері ЭГС-20-1 тобының студенттері Кожахметов Ернар, Жақсылықов Нұрсұлтан. «Ұшқын» командасының мүшелері К-20-1 тобының студенттері Алдоңғар Ақтілек, Ерланұлы Ербол. Дебат өте қызықты өтті. Дебат қорытындысы бойынша 1 орынға «Болашақ» командасы ие болды, 2 орынды «Сұңқар» командасы иеленді, ең үздік спикер болып «Қыран» командасының мүшесі Кожахметов Ернар атанды.